A CAB mubilizata pà a simana di a mubilità
(Julien Pernici - Alta Frequenza) - A simana aurupea di a mubilità hè dinò nant'à u tarritoriu di l'agglumerazioni bastiaccia. In fatti, a CAB hà privistu parechji azzioni mentri a simana pà sinsibulizà a pupulazioni à i modi di spiazzamenti alternativi à a vittura, cù frà altru a pussibilità di pruvà bissicletti cù un aiutu elettricu, una gratuità di i trasporti in cumunu ssu marcuri è una ghjurnata maiò sabbatu cù un stand di sinsibulisazioni in piazza San Niculà, a piazza di u Marcatu solu pà i parsoni à pedi, è una gratuità nova di i trasporti in cumunu, cù u sustegnu stavolta di i Camini di Farru di a Corsica. Una prublematica di più in più impurtanti, postu chì a circulazioni impeghjurisci à più pudè in u centru cità.
Steti à senta à François Tatti, u presidenti di a CAB.
Sur le même sujet
