7 hectares parcourus par les flammes à Oletta
(A redazzioni d'Alta Frequenza) - Trè fochi si sò dichjarati in principiu di dopu meziornu (sabbatu) in Corsica Suprana, nant'à u settori d'Oletta, ind'u Nebbiu. I dui primi sò partuti versu 12 ori è 20 nant'à una pista è ani distruttu in tuttu un ettari di machja. U terzu si hè dichjaratu versu 13 ori è 50 à u nivellu di Conca, è hà parcorsu una superficia di sei ettari. Casi sò stati minacciati un tempu, ma senza cunsiquenza. 70 omi, spinghjifochi è militari sò stati mubilizati sopralocu. À u nivellu di i mezi aerei, trè Canadair, trè elicotteri da lampà acqua è un Tracker ani agitu nant'à i lochi. Tutti i sinistri sò ammaistrati.
