40 anni fà, l'affari d'Aleria...
(A redazzioni d'Alta Frequenza) - 40 anni fà, esattamenti, si passò ciò chì avia da essa cunsidaratu com'è unu di l'evenimenti maiò di a lotta naziunalista corsa. U 22 d'aostu di u 1975, parechji militanti di l'ARC purtati da Edmond Simeoni occupani a cantina viticula di un capu d'intrapresa d'urighjini pedi neru, pà dinunzià una scruccunaria maiò ind'u duminiu viticulu. Dui gendarmi sò stati tombi ssu ghjornu quì, mentri chì un militanti naziunalistu hè statu feritu gravi. Da un'antra banda, a Ghjuventù Indipendentista chjama, in un cumunicatu, ad adunisciasi ssu sabbatu dopu meziornu à 5 ori annant'à i lochi di l'evenimentu in Aleria.
Sur le même sujet
