27 permis de conduire retirés pour excès de vitesse ces quinze derniers jours en Haute-Corse
Photo d'illustration
Via un cumunicatu di stampa, a ciandarmaria faci sapè ch’iddi sò stati cacciati 27 permessi issi quindici ghjorna in Cismonti, parvia di a troppa vitezza.
« Malgradu i cundizioni llu vaghjimu, chì facini sguiddà pà issi stradi umidi, ciò chì ghjustifichighja una vitezza adatta, 27 cunduttori di vitturi o mottò ani persu u so permessu par avè francatu di più di 40 chilomitra à l’ora a limita, sei di quissi avendu la francata di più di 50 chilomitra à l’ora », dici a ciandarmaria.
Trà issi cunduttori, c’era ancu un ghjovanu di 20 anni, cù un permessu à u provu, chì hè statu misuratu à 115 in Linguizzeta, à nantu à una strada limitata à 50.
I ciandarmi mintuvighjani ancu un cunduttori di 43 anni, misuratu à 153 à l’ora in Lama, à nantu à una strada limitata à 80. U so permessu t’hà una suspesa amministrativa di sei mesa.
Sur le même sujet
