27,8° relevé ce mardi à Alistru et 24,8° à Bastia, de nouveaux records sont tombés en Corse
(A rudazzioni d'Alta Frequenza) - In u mentri chì a timpesta ditta Ciarra tocca a Corsica, è chì i foca – par disgrazia - picciani l’isula un pocu in ugni locu, l’aria hè stata calda com’è mai issu marti.
Cù l’effettu dittu di foehn, si n’hè ghjuntu à 27,8° in Alistru. Tempu simuli, di frivaghju, ùn si n’era mai vistu : 24,8° in Bastia, 21,9° in u Nebbiu, 23,4° à u Ponti à a Leccia. In Aiacciu, inveci, ùn si hè francatu i 16°.
Sinu ad avali, u più altu s’era misuratu in Sari di Portivechju (Sari Sulinzara, com’iddu si dici oghji) à 27,6°, u 28 di frivaghju llu 2010.
