1er mai : environ 2 000 personnes ont défilé à Ajaccio et Bastia ce lundi
Photo : facebook CFDT
Luni, u primu di maghju, i mubilisazioni in Aiacciu è Bastia t’aviani un sapori spiciali.
Ben’intesa hè stata unurata a festa di u travaddu, ma i sindicata t’aviani dinò à menti di fà ni una mubilisazioni, una ghjurnata d’azzioni contru à a riforma lli ritirati.
Bandiretti, cazzaroli è motti c’erani è bè, da fà veda chì i manifistanti t’aviani sempri una bedda ditirminazioni pà issa lutta.
A mubilisazioni, in Aiacciu è in Bastia, hà purtatu parichji cintunai di parsoni in carrughju, chì a collara ci hè sempri.
Sò stati parichji i sindicata à participà à iss’accolti : a CFDT, a CGT, a CFE-CGC, FO, a FSU, l’UNSA.
U STC, inveci, hà fattu com’iddu avia dittu : ùn hè statu d’issa mubilisazioni.