15 août à Ajaccio : La quasi totalité des festivités annulée
Parvia di a stesa llu siscu in Corsica, è in u filu di l’ultimi dispusizioni presi da i puteri publichi, hè stata annullata una parti di i fistività di u 15 d’austu, in Aiacciu.
« Da guaranzì a sicurità sanitaria lla pupulazioni, l’urganisazioni di l’evenimenti fistivi hè stata mudificata », dici a municipalità :
- U focu d’artifiziu llu 15 d’austu, tiratu da a marina di San’Francè versu i 10 ori di sera, ùn ci sarà, in cunfurmità cù l’arrestu prifitturali.
- U cuncertu di Jean-Christophe Spinosi è di l’urchestru Matheus, privistu à u Casonu à 9 ori di sera, hè attimpatu.
- A prucissioni privista par parta à 6 ori di sera da u Domu hè annullata. A statula lla Verghjini sarà sposta in piazza à u Domu da 8 ori di mani à 7 ori di sera.
A cirimonia in mimoria lla nascita di Napulionu hè mantinuta, ma incù una limita di i parsoni :
- À 10 di mani, ci sarà à missa à u Domu, ditta da Munsignori François Bustillo, u vescu d’Aiacciu pà a Corsica.
- À 5 ori è mezu lla sera, sarani sposti i fiori davanti à a statula llu Rè di Roma, in u San’Carlu, ma senza publicu micca.
