14 juillet 1755 : une Cunsulta qui changeait l'Histoire de la Corse
In u 1755, trà u 14 è u 15 di luddu, Pasquali Paoli era fattu capu ginirali di a Nazioni Corsa.
Esiliatu cù u babbu Ghjacintu dipoi a fini llu regnu di u Rè Tiadoru, hè
statu chjamatu da i rivuluziunarii corsi, bramosi di truvà si un capimachja da scaccià i ghjinuvesi.
In a cunsulta llu cunventu di Sant’Antonu di a Casabianca, ind’idd’erani riprisintati 16 di i 40 pievi isulani, hè statu elettu Pasquali Paoli pà u so giniralatu di 14 anni.
« Avemu pinsatu chì u mezu u più accittevuli è u più efficaci… era l’alizzioni d’un capu, un Ginirali chì s’accuparia di l’ecunumia è di a pulitica di u regnu, chì t’avaria meza senza limiti, cacciati l’affari di u statu chì, quissi, ublicani à un accunsentu di i pupulazioni o di i so diputati. U nosciu votu, à l’unanimità, hè statu pà l’Eccilintissimu Signor’Pasquali Paoli, l’omu chì n’hè statu ghjudicatu u più degnu, cù i so tanti virtù è qualità ».
Da tandu, funi attaccati i gran’prughjetti : scrittura d’una custituzioni, criazioni
d’un’armata, d’una marina, d’una muneta, d’una stampa naziunali, d’un ghjurnali ufficiali, d’un portu di guerra è d’un’università.
Circhendu à furzà i truppi stranieri à disirtà, à scriva legi, à cundannà à morti o scaccià da Corsica i tradittori, Paoli è i soi avviani una « guerra perpetua à a ripublica di Ghjenuva, è à ugni putenza chì li daria prutizzioni ».
Sur le même sujet
