11 novembre : mimoria è ombri di guerra
(A ridazzioni d'Alta Frequenza) - 11 nuvembri di u 1918... L’Auropa ni facia a finita cù u maceddu lla Prima Guerra Mundiali... Una guerra ch’iddu si pinsaia essa « l’Ultima di l’ultimi », è chì hà fattu circa deci millioni di morti... Carri armati, guerra par aria è mari, armi chimichi... Mai ùn si n’era vistu arsanali com’è quissu, nè ingegnu in l’arti di tumbà...
Pà a Corsica, u prezzu à pagà fù beddu grevu : circa 40000 omini mubilizati, 12000 morti, da 20 à 25000 ferti, cù circa 12000 di quissi chì firmarani invalidi. Un bilanciu chì pisarà à veru in lu sviluppu umanu è ecunomicu di l’isula longu à u XXu seculu.
D’issa pessima passata, si tinarà à menti a crudeltà è l’inghjustizia, masimu pinsendu à issi corsi, quiddi di u 173, fucilati par dà l’esempiu.
Oghji, a storia d’unu di quissi, esecutatu dopu à un neci di prucessu, a ci conta u filmu curtu di Jean-Marie Antonini, « Aiò Zitelli », un beddu ducumentu di riflissioni è di mimoria.
Sur le même sujet
