Xylella Fastidiosa : un amendement qui redonne la main à la Corse
(A ridazzioni d'Alta Frequenza) - Ani avutu una bedda surpresa, i diputati naziunalisti à l’assemblea naziunali francesa. Ben’chì u guvernu achi datu un avvisu cuntrariu, hè passatu u so amindamentu, quiddu chì dumandaia un trasfirimentu lli cumpitenzi da luttà contru à a Xylella Fastidiosa. L’amindamentu, l’avia prisintatu Jean-Félix Acquaviva, ed hè statu validatu cù i voti di u so gruppu « Libertés et Territoires », ma dinò cù i voti d’uni pochi di diputati Les Républicains. Ùn erani abbastanza i diputati LREM da righjittà lu. St’amindamentu dici chì a cumpitenza par scedda i vegetali ch’ùn pudarani essa impurtati in Corsica, devi passà da u statu à u Cunsigliu Esecutivu lla Corsica.
Jean-Félix Acquaviva ci spieca a impurtanza d’issa misura, dumandata da l’Assemblea di Corsica dipoi u 2017.
