Xylella Fastidiosa : éviter une catastrophe écologique et économique pour la Corse et l'Europe
(A redazzioni d'Alta Frequenza) - Ogni ghjornu chì passa laca avvicinà a minaccia di a Xylella Fastidiosa in Corsica ! U mughju hè statu lampatu, torna, da u cullittivu di u listessu nomu, chì s'hè adunitu arisera (luni) in Corti. Quissu quì hà fattu un bilanciu assai duru di a situazioni, chì impeghjurisci, fin'è à essa fora di cuntrollu ind'i Pugli, regioni d'Italia induva u batteriu sterpa l'alivi è parechji spezii vegetali dipoi mesi è mesi. Dopu avè alertatu l'eletti di a Corsica, quilli di u Statu è i sfarenti ministeri cuncirnati eppo a Cumissioni aurupea, u cullittivu, fora di belli dichjarazioni, ùn hà uttenutu nulla è si ghjira dunqua una volta di più ver di u prifettu di Corsica. I so membri dumandani à Christophe Mirmand di pighjà dui misuri à u più tardi da quì à ottu ghjorni : pighjà un arrestu pà pruibiscia l'impurtazioni di tutti i piantini in Corsica, pocu impremi u so locu d'urighjini, è a missa in ballu di una cellula di crisa chì adunisci tutti l'attori cumpetenti. A Corsica, è aldilà l'Auropa sana, pudariani essa tocchi da una catastrofa eculogica è ecunomica maiò s'ellu ùn c'hè nulla di fattu sicondu Saveriu Luciani, pà u cullittivu Xylella Fastidiosa.
U stemi à senta.
Sur le même sujet
