Xavier Nesa, chef de file de la CGT Énergie en Corse, victime d'une agression à la centrale de Lucciana en marge d'une réunion syndicale
Ùn hè cusì chietu, à liveddu suciali, l’ambienti à EDF.
Luni, Xavier Nesa, u capifila di a CGT di l’energia in Corsica, si hè patutu un’agrissioni à nantu à u situ di a cintrali di Lucciana.
À senta ni a CGT, mentri ch’iddu andaia à fà, in cumpagnia d’altri parsoni di u sindicatu, una riunioni par sapè chì seguitu dà à a mubilisazioni contru à a riforma lli ritirati, uni pochi di militanti d’un altru sindicatu si ni sariani presu ad iddu è l’avariani tasanatu.
Uspitalizatu in Bastia, Xavier Nesa avaria, à senta ni a CGT sempri, u nasu è una spadda tronchi. U sindicatu ni chjama à un’accolta, ghjovi à deci ori, davanti à a cintrali di Lucciana.
