"Vous rêvez d'investir en Corse ? Devenez propriétaire à Linguizzetta" : Core in Fronte monte au créneau
In un cumunicatu publicatu pà issi reti suciali, u muvimentu Cori in Fronti voli palisà un prughjettu immubiliariu ch’hè in traccia di fà si, à nantu à a cumuna di Linguizzetta.
« Sunnieti d’invistiscia in Corsica ? Duvinteti prupriitariu in Linguizzetta ». Eccu una chjama chì, à senta u muvimentu indipindintistu, faci a prumuzioni d’un prughjettu chì pruponi, di manera chjara, di venda 204 casi o appartamenti à ghjenti chì corsi ùn sò, dirittamenti à nantu à a marina, è cù parichji avantaghji fiscali.
Cori in Fronti dici ch’issu prughjettu, è i scelti ch’iddu porta, sò cuntrarii à ciò ch’iddu voli u muvimentu pà a Corsica.
U muvimentu puliticu ni chjama à un’accolta, sabbatu u 14 di sittembri in Bravona, à parta si da undici ori di mani. Ci sarà una cunfarenza di stampa supr’à locu.
