Le Direct

Volley (Play-offs) - Le GFCA rate de peu la qualification à Saint-Jean d'Illac (3-2)

Poni avè una bedda stizza, i ghjucadori di u GFCA volley !

Marcuri à sera, l’omini di Frédéric Ferrnadez ani persu in Gironda, in a sala di Saint Jean d’Illac, l’ultimu di i scontri di i play offs, cù un marcu di trè mani à dui.

Era a quinta partita in pochi ghjorna, postu chì i dui squadri n’aviani vintu dui par omu.

Dopu avè persu a prima mani 25 à 12, i Diavuli Russi ani vintu i dui altri, 25 à 27 è 23 à 25.
Si hè pinsatu tandu chì u GFCA t’avia i mezi di fà una bedda prova è di qualificà si pà i mezi finali. Ma sò i Girundini chì ani vintu a partita, piddendu si a quarta mani cù un marcu di 25 à 18, è u tie break cù un marcu di 15 à 10.

Si finisci dunqua cù issa disfatta a staghjoni di u GFCA.
Ci vurrà oramai à appruntà a prossima staghjoni in Liga B.