Volley (Ligue A) - Le GFCA battu par Cannes pour sa der au Palatinu (0-3)
Photo : Alta Frequenza
In fin’di dopu meziornu, u GFCA ricivia à Cannes à u Palatinu, in Liga A di volley.
L’aiaccini ani persu 3 mani à 0, contru à una di i squadri boni di u campiunatu.
Luttendu si la quantunca, l’aiaccini ani persu a prima mani 25 à 22, po’ a siconda 25 à 17.
Lampendu si à fiatu persu in l’ultima, l’omini di Frédéric Ferrandez l’ani persa quantunca, 26 à 24.
Cù issu 3 à 0, ùn ani presu mancu un puntu l’aiaccini, pà iss’ultimu scontru à u Palatinu.
S’aspetta avali u risultatu di Nizza, chì ricevi à Cambrai sta sera. Par casu ch’iddi vincini i nizzardi, saria à veru dilicata a situazioni di u GFCA, à dui ghjurnati lla fini lla staghjoni.
Sur le même sujet
