Le Direct

Volley (Ligue A) - Le GFC Aiacciu accueille Cannes ce soir au Palatinu

(A ridazzioni d'Alta Frequenza) - Passata a Cuppa di francia, u GFCA Volley ritrova u Palatinu sta sera, pà u campiunatu di Liga A. L’aiaccini ci ricevini à Canna, una squadra chì hè à veru una surpresa di stu principiu di staghjoni.

Dopu à un attaccu di campiunatu chì hà datu calchì pinseri quantunca, l’omini di Frédéric Ferrandez a l’ani fatta à ripiddà fiatu, ch’idda sichi pà a qualità di u ghjocu o pà a classifica.
Pà issu scontru à vena, i russi è turchini ùn ani altru ughjittivu chè quiddu lla vittoria, davanti à u so publicu.

U scontru principia à ott’ori.