Le Direct

Volley-ball - Le GFC Ajaccio s'incline à Paris et ne verra pas la finale

(A redazzioni d'Alta Frequenza) - In volley ball, pà a sicondu meza finali di i plays offs, u GFC Aiacciu hè statu eliminatu ssu marcuri à sera in Parighji, trè sets à dui. Dopu avè persu i dui primi sets (25-20 è 25-18), l'aiaccini sò riisciuti à rializà una ricullata scema egualizendu à dui sets à dui (25-21 è 25-22), mittendu si à creda à una surpresa incridibuli. Ma com'è pà a prima meza finali, i ghjucadori di Frédéric Ferrandez ani persu à u tie break 15 à 13, manchendu dunqua a pussibulità di ghjucà una partita d'appoghju à u Palatinu. U GFCA ùn andarà micca in finali di ssi play offs, ma esci da ssa cumpetizioni capi altu, cù un sicondu postu in campiunatu duranti a fasa rigulari di a Ligue A.