Volley-ball - Débuts réussis pour le GFC Ajaccio en coupe d'Europe en Serbie (3-0)
(A redazzioni d'Alta Frequenza) - Pà a so prima participazioni à una cumpetizioni aurupea, a cupppa CEV, u GFC Aiacciu volley ball hà magnatu u club bosnianu di Brcko, trè sets à zeru (20-25, 25-13 è 25-16). I ghjucadori di Frédéric Ferrandez ani chjosu ssu prima sedicesimu finali in un'ora è quartu, par asempiu grazia à Simovski, Verhoeff è Dailey, chì ani scrittu parechji punti. Da quì à dui sittimani, ci sarà a partita di ritornu pà l'aiaccini ind'u so famosu Palatinu. Ramintemi chì u GFCA hè par avà leader di u campiunatu di Francia di Ligue A, cù quattru vittorii in quattru partiti.
