Visite de Manuel Valls : Corsica Libera dénonce un déni de réalité et de démocratie
(A redazzioni d'Alta Frequenza) - Corsica Libera urganizava sabbatu una cunfarenza di stampa à l’Università di Corsica in Corti. L’uccasioni pà u muvimentu d’annunzià a data di i tradiziunali Ghjurnate Internaziunali di Corti, grandi messa pulitica pà i naziunalisti ogni statina. Pà quist’annu, sarani u 6 è u 7 d’aostu, cù un ritornu inde lochi emblematichi : a Citadella di Corti. S’è u so prugramma sarà ditagliatu in una cumunicazioni nova da quì à calchì ghjornu, u puntu di ssa dumenicata t’avia soprattuttu com’è scopu di vultà nant’à a visita di u Prima ministru, Manuel Valls, in Corsica. Corsica Libera hà vulsutu prisintà a so analisi pulitica, mittendu di sicuru in risaltu u puntu pusitivu di u rispettu di u calendariu pà a missa in ballu di a cullittività unica, ma dinò è soprattuttu senza surpresa u INNÒ seccu di sempri à a cuufficialità di a lingua, à u statutu di residenti o ancu à un’annistia pà i prighjuneri pulitichi è i ricircati. Malgradu tuttu, u muvimentu a dici : i naziunalisti s’ani da batta cù forza pà fà avanzà ssi cartulari di prima trinca.
Steti à senta à Eric Simoni pà l’esecutivu di Corsica Libera.
