Visite ces deux jours de Jean-Michel Baylet en Corse
(A redazzioni d'Alta Frequenza) - Jean Michel Baylet, u ministru di l’Accunciamentu di u Tarritoriu, di a Ruralità è di i Cullittività tarrituriali principia ssu luni a so visita di dui ghjorni in Corsica. Hà da inaugurà prima in fin di matinata a Casa di Servizi à u Publicu di U Castellu di Rustinu, nanzi à un ripastu di travaghju cù l’eletti di u Polu d’Equilibriu Tarrituriali è Rurali di u Centru Corsica, in traccia d’essa custituitu, è a signatura di u cuntrattu di ruralità di u Polu d’Equilibriu Tarrituriali è Rurali di Balagna. A visita cuntinuarà dumani in Aiacciu cù una riunioni di travaghju cù i parlementari, u presidenti è i membri di u Cunsighju esecutivu, u presidenti di l’Assemblea di Corsica è i presidenti di i Cunsighji dipartimintali nant’à a cullittività unica, prima di signà u Prugramma Eccezziunali d’Investimentu.
