Le Direct

Violences faites aux femmes : le regard d'une psychologue clinicienne sur les victimes et les auteurs

Marti, in Bastia, hè statu missu in anda l’ussirvatoriu tarrituriali lli viulenzi fatti à i donni pà a Corsica.

Sò aghjà parichji anni ch’iddu si ni parla. Ci si duvariani ritruvà a cullittività lla Corsica, i sirvizia llu statu, i forzi di l’ordini o ancu l’attori assuciativi.

L’ughjittivu d’issa struttura hè d’avè a risposta più bona da aiutà i donni vittimi di viulenzi, ch’idda sichi in a so prutizzioni o in a riprissioni di quiddi chì portani issi viulenzi.

Cù 75 000€ cunsacrati à u so funziunamentu, è dui parsoni chì li sò didicati à tempu pienu, l’ussirvatoriu hà da difinì, in i sittimani à vena, comu avvià a so azzioni.

Trà l’invitati, Linda Tromeuleue, psicoluga clinica in i circondi parigini, chì hè à tempu in cuntattu cù i vittimi è i parsoni viulenti, ch’idda suveta ancu in prighjoni.

Ind’è i vittimi, à spissu, è ancu dopu bè à i fatti, ferma arradicata a paura.
In quant’à i parsoni viulenti ch’idda pidda in carica, parichji trà iddi ni sò à u dinegu di l’effetti lli so atti.

Steti à senta à Linda Tromeleue.