Violences conjugales : la Haute-Corse parmi les départements pilotes pour la prise de plainte ou de signalement hors les murs
Dipoi luni, i vittimi di viulenzi in coppiu t’ani a pussibilità di signalà i fatti o di spona lagnanza fora di i muri lli cumissariati o ciandarmarii llu Cismonti.
U dipartimentu hè d’issi sei, ind’iddu prova, u statu, issu dispusitivu par sei mesa.
Chjamendu u 17, i vittimi pudarani dumandà à fà a so dipusizioni in casa soia o in u locu neutru.
Pulizzeri è ciandarmi si dispiazzarani cù u matiriali nicissariu. A presa in carica è i prucidimenta sarani i stessi chè in i cumissariata o ciandarmarii.
Hè impurtanti, pà a ghjustizia, di facilità l’accessu lli vittimi à a risposta penali.
Steti à senta à Stéphanie Pradelle, prucuratori aghjunta lla ripublica in Bastia.
L’associ, iddi, si rallegrani d’issa misura, chì aiuta i vittimi à lascià si u sintimu lla culpabilità.
Steti à senta à Francine Grilli pà u CIDFF.