Violence sur dépositaire de l’autorité publique : relaxe pour Paul-Félix Benedetti
Palais de Justice de Bastia
Di sittembri llu 2018, mentri u prucessu di Felix Benedetti, era partita una barruffa cù a pulizza davanti à u tribunali di Bastia.
Sei mesa dopu, di marzu llu 2019, u capifila naziunalistu Paul-Félix Benedetti
era cundannatu da u tribunali currizziunali di Bastia à sei mesa di prighjunia attimpati è à 5 000€ d’amenda, à mutivu di viulenzi avendu purtatu à un arrestu di travaddu di menu d’ottu ghjorna, è d’offesa à una parsona dipusitaria di l’auturità publica. U militanti s’era buscu in supr’à più un mesi di prighjunia attimpatu, par avè ricusatu i prilivamenti. Avia tandu fattu appellu d’issi sintenzi.
Marcuri, a corti d’appellu di Bastia hà dittu ch’idd’ùn erani tanti i provi, da mantena a cundanna à mutivu di viulenzi fatti à una parsona dipusitaria di l’auturità publica.
Inveci, Paul-Felix Benedetti hè statu ricunnisciutu culpevuli d’offesa à un pulizzieri, di ricusu di prilivamentu ADN è di presa di stampi digitali.
Pà issi fatti, si hà buscu dui amendi, una di 5 000 è una di 1 500 €.
Sur le même sujet
