Violence en Corse : Paul Giacobbi interpelle Manuel Valls
(A redazzioni d'Alta Frequenza) - I diputati si sò ritrovi ssu marcuri à l'Assemblea naziunali pà una nova seenza di quistioni à u guvernu, a prima pà Manuel Valls com'è Primu ministru. À mezu à i dumandi numarosi chì sò stati posti, dui sò ghjunti da diputati corsi. A prima, quilla di u novu merri d'Aiacciu Laurent Marcangeli, chì dumandava à Manuel Valls pricisioni pà ciò chì tocca l'avvena di a riforma penali, cù un dibattitu urganizatu inghjiru à u testu di legi nanzi à l'istati à u Parlamentu. A siconda, in leia più diretta cù a Corsica è a so attualità a più nera, hè stata posta da u presidenti di l'Esecutivu di Corsica, Paul Giacobbi, sempri à u Primu ministru, annant'à a lotta contr'à u crimini urganizatu. Vultendu cun emuzioni annant'à l'assassiniu di u direttori ghjinirali di i servizii di u dipartimentu di Corsica Suprana, Jean Leccia, accadutu u 23 di marzu, Paul Giacobbi hà integratu ind'u so discorsu parolli assai forti pà qualificà l'ambienti attuali inde l'isula. Annant'à un tonu propiu gravi, u presidenti di l'Esecutivu di Corsica hà lampatu una chjama nova à u Statu.
Steti à senta à Paul Giacobbi.
Sur le même sujet
