Vigilance jaune pluie-inondation jusqu'à jeudi en Corse
Photo d'illustration
A Corsica hè missa in vighjulanza giadda sinu à ghjovi matina parvia di i piuviti è di u risicu d’inundazioni.
« Marti, l’acquati si ani da sparghja à nantu à tutta a Corsica à Liventi. Ani da piddà forza in dopu meziornu, fendu si scurruttoni à nantu à u bor’di mari à Liventi. Pudariani falà da 15 à 20 mm à l’ora. L’acquati sarani più forti in l’alturi. Marti à sera, l’affari si duvaria appacià, ma l’acquati ligeri ani da cuntinuvà in a notti, trà marti è marcuri.
Marti, duvariani falà da 50 à 70 mm à Liventi, è da 100 à 120 mm in Castagniccia è à nantu à a Incudina.
L’acquati duvariani cuntinuvà marcuri, ma più debuli, à Liventi, fendu si scurruttoni in u dopu meziornu. S’aspettani 30 mm in piaghja, è da 60 à 70 mm in l’alturi.
Duvaria stancià di piova ghjovi in ghjurnata.
Par tutta a passata, duvariani falà da 60 à 100 mm d’acqua in piaghja pà i dui ghjorna, è da 150 à 180 in l’alturi.
Sur le même sujet
