Vigilance jaune Pluie Inondation ce dimanche en Corse
Meteò france hà missu a Corsica in vighjulanza giadda parvia d’una situazioni meteorologica à piddà in contu cù un risicu di pieni è scurruttoni, da oghji à trè ori llu dopu meziornu sinu à dumani matina, è dumani tutta a ghurnata parvia d’un risicu di ventu è marosuli.
L’acquati ani da durà da a mani à a sera, masimu à Punenti. U ventu di Meziornu à Punenti hà da tuccà i 70 o 90 chilomitra à l’ora.
Attaccani l’acquati dopu meziornu à Punenti. In sirintina è di notti, si tuccarani i 20 o 30 millimitra d’acqua à l’ora.
In cumulazioni, si pudariani tucca i 60 o 80 mm, è à locu à locu i 110 o 130 mm in l’alturi, da quì à dumani matina.
Sta sera è sta notti, cù l’acquati pudaria ancu vena a grandina. Da quì a dumani, a Corsica pudaria essa tocca da vintulioni è marosuli di summirsioni.
Sur le même sujet
