Le Direct

Vidéo polémique du transfert de dix gardés à vue vers Paris : les députés nationalistes saisissent la procureure de la République de Bastia

Ghjovi matina, l’associu Aiutu Paisanu hà publicatu una videò chì faci veda uni pochi di pulizzieri in tinuta, presi in fotò davanti à un avviò.
Dici Aiutu Paisanu ch’issa fotò hè stata presa davanti à l’avviò chì purtaia in parigi i deci parsoni in guardia à vista pà l’affari di l’attintati di marzu.
Ramintemu chì ottu omini è dui donni sò intesi in i lucala di a SDAT, vicinu à parigi.
Issa videò hà fattu riagiscia à veru in l’ambiu puliticu naziunalistu. Gilles Simeoni, u prisidenti di l’esecutivu, hà dumandatu via Twitter chjarificazioni à christophe castaner, u ministru di l’internu.
In quantu à i trè diputati « Pà a Corsica », ani scrittu una lettara à a prucurattrici lla ripublica in Bastia, Caroline Tharot. Dicini chì «  cù l’imagini d’issa videò, si pò pinsà chì i ghjovani intarpillati sò à torru à i pulizzieri, quant’è ch’iddi sichini truffei di caccia ». Dicini i trè diputati chì « u puteri ghjudiziariu devi fà opara di chjarura, da sapè ciò ch’iddu si hè passatu à veru ».
Stemu à senta à Jean-Félix Acquaviva, u diputatu lla siconda circuscrizzioni llu Cismonti