Le Direct

ViaBastia : nouvelles lignes et nouveau nom pour le réseau de bus de la Communauté d'Agglomération de Bastia

Toccu u 1u di ghjinnaghju, a reti di bus lla Cumunità d’Agglumirazioni di Bastia si hà da chjamà ViaBastia. In lu quadru d’una cuncissioni di trè anni (sinu à u 2025), chì sarà attribuita u 22 di dicembri da u cunsigliu cumunitariu, ani da cambià i ligni.

Quidda principali, a ligna 1, sarà rimpiazzata da parichji ligni novi.
U traghjettu lla ligna B trà Toga è Montesoru si farà di manera più diretta, è a nova ligna 1 farà u traghjettu trà a gara di Bastia è Montesoru, tucchendu i parti alti è i novi zoni risidinziali. Issa nova ligna 1 avarà ancu in carica u sirviziu llu spidali, spartindu lu cù a ligna 2, chì partarà da a gara è ghjunghjarà dirittamenti davanti à a intruta llu spidali.

Altru cambiamentu, a navetta gratisi di centru cità, ci vurrà oramai à pagà la, è u so traghjettu, cambiatu, tuccarà l’alti di Toga. Un sirviziu gratisi sparisci, ma un altru s’affacca, postu chì i 6000 parsoni i più in difficultà di l’agglumirazioni pudarani viaghjà senza pagà micca par tutta a reti Via Bastia. Calchì cambiamentu ci sarà ancu in a pulitica lli prezza, ch’iddu si tratti di l’abunamenti, di i biglietti à l’unità, o di i prezzi pà i famiddi.
È infini, ci sarà l’appicazioni ViaBastia, da cunnoscia i traghjetta lli bus in diretta.

Steti à senta à Louis Pozzo di Borgo, u prisidenti lla CAB.