Le Direct

ViaBastia : de nouveaux trajets pour les bus de la communauté d'Agglomération de Bastia dès lundi

À parta si da luni, l’abitanti lla Cumunità d’Agglumirazioni Bastiaccia chì si ghjovani di i trasporti publichi s’ani da goda calchì cambiamentu : certi di i dicesetti ligni lla reti mutani à veru, masimu quiddi chì toccani à Bastia.

A ligna trà Toga è Montesoru sarà più diretta, è ùn tuccarà più u spidali o i circonda lla Casa lli Sirvizia Publichi.

À u spidali, ci ghjunghjarani dui ligni : una partarà da a gara è l’altra da a prifittura.
Una tuccarà u Fangu, u Palazzu di Ghjustizia, i circonda llu Machjò è a Casa lli Sirvizia Publichi.
L’altra, più diretta, tuccarà i circonda di Sant’Antonu, i novi sittori risidinziali da supra à u spidali, è andarà sinu à i licea di Montesoru. Par ghjunghja à u spidali, li ci vurrà un quartu d’ora.

Issi nuvità sarani missi in anda pianamenti è bè, da ch’iddi s’avvizzini l’aienti.

Steti à senta à Louis Pozzo di Borgo, u prisidenti lla CAB.