Vers un nouveau processus de Matignon pour la Corse ?
(A redazzioni d'Alta Frequenza) - Ùn era micca privistu, in tutti i casi i cosi si sò pricisati duranti l'ultimi ori : Paul Giacobbi hà fattu una dichjarazioni sulenna à meziornu (ghjovi) à l'Assemblea di Corsica, dopu a tradiziunali seenza di i quistioni urali. U presidenti di l'Esecutivu hà amintatu l'avanzati di ssa listessa assemblea duranti a mandatura chì si compii. Dopu à i deliberazioni storichi presi da quissa quì, cuufficialità, statutu di residenti, fiscalità, scrizzioni di a Corsica in a Custituzioni, u cartulari PADDUC, è u cuntestu novu criatu da a dicisioni presa da u FLNC di piantà a lotta armata, ssa presa di parolla custituisci una chjama lampata à u guvernu. Una chjama par un'uppurtunità, quilla di ghjunghja à una situazioni di paci durevuli, chì pudaria crià i cundizioni di u sviluppu ecunomicu, suciali è culturali di l'isula. Paul Giacobbi dumanda à l'eletti tarrituriali d'aduttà ssa risuluzioni adirizzata à u presidenti di a Republica è à u so guvernu. Ciò ch'ella aspetta a Corsica hè simplici : una pusizioni chjara infini di u Statu. Subbitu dopu à ssa dichjarazioni è nanzi à u dibattitu annant'à ssa quistioni, chì sarà urganizatu dopu meziornu, emi postu à Paul Giacobbi una dumanda simplici è pricisa : andemi ver di un novu prucedimentu di Matignon ?
Eccu a so risposta.
Sur le même sujet
