Venue en Corse d'Emmanuel Macron : le programme de la visite
Photo facebook Emmanuel Macron
Eccu cunnisciutu u prugrama lla visita in Corsica d’emmanuel macron.
U prisidenti francesu hà da participà marcuri à i cirimonii pà l’annivirsariu lla libarazioni lla Corsica, in Aiacciu. In fin’ di ghjurnata, si gudarà una « cena ripublicana » in prifittura.
Ghjovi, in cumpagnia di Gérald Darmanin, Jacqueline Gourault è Marlène Schiappa, duvaria avvià a rivista lli prughjetti corsi. Si n’andarà dopu in Bonifaziu, à u riscontru di i prufiziunali llu turismu.
U prisidenti francesu piddarà dopu a prisidenza lla sittesima riunioni di u Med7, à u Sofitel di Purtichju.
In apartura d’issa riunioni, emmanuel macron hà da avè unu scambiu cù Kyriakos Mitsokatis, u primu ministru grecu.
Ghjunti i capi lli diligazioni, s’attaccarà issa riunioni. Dopu ad avè spartutu cena incù iddi, u prisidenti francesu si ni vultarà in parigi.
