Vents violents : la Corse en vigilance jaune ce lundi
(A redazzioni d'Alta Frequenza) - Météo France hà missu a Corsica in vigilenza gialla pà venti viulenti ssu luni. U ventu suffiarà par asempiu trà 80 è 110 chilometri à l'ora in Capicorsu, cù buffulati certi volti fin'è 135 chilometri à l'ora. In Balagna è in u rughjonu bastiacciu, u ventu pudaria suffià trà 85 è 90 chilometri à l'ora. U ventu sarà forti dinò in u settori di i Bocchi di Bunifaziu. È d'altrondi, i servizi dipartimintali d'incediu è di succorsu dumandani d'ùn brusgià fendu dibbieri, ancu s'è a pratica hè autorizata fin'è u 30 di ghjunghju, par via di ssi gattivi cundizioni meteurulogichi. A prudenza a più maiò hè racumandata.
Sur le même sujet
