Vents violents et très fortes vagues en Corse
(A redazzioni d'Alta Frequenza) - Ind'a sirata di sabbatu, a Corsica sarà tocca da un episodiu di venti viulenti chì duvaria durà fin'è luni da mani. Un ventu di settori da Punenti à Meziornu Punenti, in principiu d'episodiu, eppo di settori Nordu in fin di dopu meziornu di dumenica tuccarà tutta a Corsica Suttana, trà 100 è 120 chilometri par ora, par asempiu ind'i settori i più sposti, i capi è i cimi. Ind'a ghjurnata di dumenica, u ventu s'hà da rinfurzà è i buffulati pudarani andà trà 100 è 130 chilometri par ora nant'à i settori i più sposti com'è i cimi, u meziornu Stremu (da Sartè à Purtivechju), a punta di i Sanguinarii o ancu i zoni à Livanti (Conca è A Sulinzara). Nant'à u rughjoni d'Aiacciu, i buffulati sarani trà 70 è 90 chilometri par ora dumenica dopu meziornu. Ss'episodiu sarà accumpagnatu da un mari assai forti nant'à a costa uccidintali cù altzzi di marosuli impurtanti nentru à i golfi (trà 3 è 4 metri), pà certi lochi 6 metri. U ventu di settori Nordu inghjinnarà dinò una calata di i timperaturi, par asempiu nant'à i cimi (2°C) duva a limta acqua/nevi hè à 1 800 metri. Acquati forti pà certi lochi sò pussibuli dinò. I valori aspittati sò trà 40 è 60 mm nant'à 24 ori. Di pettu à ssi cundizioni meteurulogichi pessimi, o ancu periculosi, a prifittura di Corsica racumanda a prudenza a più maiò.
Sur le même sujet
