Vents violents : appel à la prudence dans le département de la Haute-Corse
(A redazzioni d'Alta Frequenza) - In un cumunicatu, a prifittura di Corsica Suprana priveni chì "i servizi di Météo France privedini, da ssu ghjovi dopu meziornu fin'è dumani à 4 ori, un ventu forti da Punenti Meziornu Punenti". Ssu ventu s'hà da rinfurzà par asempiu dopu meziornu è duranti a notti chì veni. Hà da suffià trà 100 è 110 chilometri par ora, cù buffulati trà 120 è 140 chilometri par ora ind'i lochi sposti di a Balagna, di Capicorsu è in muntagna. À partasi di a notti chì veni, buffulati assai forti poni cuncirnà dinò a costa urientali. U mari diventa assai forti à Punenti cù marosuli putenti. Pò inghjinnà summersioni lucali annant'à i parti bassi di u liturali uccidintali. Infini, à u punenti di l'isula, à partasi di ssu ghjovi à sera è fin'è dumani matina, l'acquati sò più forti cù quantità aspittati trà 60 è 90 mm. A limita acqua è nevi hè versu 1000-1300 metri induva i quantità di nevi poni cullà trà 20 è 30 cm.
