Vent : la Haute-Corse en vigilance orange, prudence également en Corse-du-Sud
(A redazzioni d'Alta Frequenza) - A Corsica Suprana hè in vigilenza aranciu pà u risicu liatu à u ventu. U ventu à punenti cumencia à stallassi in Balagna è i cimi. Sicondu Météo France, s’hà da rinfurzà « annant’à l’isula sana. Di manera prugressiva in a ghjurnata, i buffulati collani da 100 fin’è 120 chilometri à l’ora da Balagna à Capicorsu, ma dinò in muntagna è in a parti suttana di l’isula. In a sirata, u ventu à punenti si rinforza torna, annant’à i settori sposti di a Balagna è di Capicorsu fin’è a regioni di Bastia, eppo soffia in muntagna suventi trà 60 è 80 chilometri à l’ora cù buffulati trà 110 è 130 chilometri à l’ora in Balagna, i lochi bastiacci è u Curtinesi, fin’è 150 chilometri à l’ora in Capicorsu è in muntagna. Ssu ventu timpetuosu s’accumpagna cù un mari forti o ancu assai forti annant’à u liturali uccidintali ».
Sur le même sujet
