Vague d'interpellations : plusieurs rassemblements de soutien ce mercredi soir en Corse
(A redazzioni d'Alta Frequenza) - C’hè torna una dodecina di parsoni in guardia custodia dopu à l’arristazioni di ssu marcuri da mani in Corsica. Arristazioni in u quadru di fatti accaduti in u 2016, era duranti manifistazioni in Corti è inghjiru à u derby GFCA-SCB in Aiacciu. Parechji aduniti di sustegnu sò stati urganizati in principiu di sirata in Aiacciu, Borgu, Calvi, A Ghisunaccia o ancu in Purtivechju, à a chjama frà altru di l’Associu Sulidarità è di a Ghjuventù Indipendentista. Pà Katty Bartoli, più cà mai, u Statu « ghjoca incù u focu » cù ss’arristazioni numarosi chì toccani a ghjuventù corsa dipoi u principiu di l’annu. « Devi piantà a riprissioni », hà vuciatu a raprisintanti di l’Associu Sulidarità.
Steti à senta à Katty Bartoli.
