Le Direct

Vaccination : 1 950 doses livrées en Haute-Corse

photo ARS

U 4 di dicembri, dicia l’ARS chì 12 000 dosi di u vaccinu contru à u Covid 19 ghjunghjariani in Corsica, pà a prima mani lla campagna di vaccinazioni.

Luni, u prifettu è a dirittrici di l’ARS ani fattu una cunfarenza di stampa, par fà u puntu lli virifichi è parlà di a stratigia vaccinali.

À creda ni ciò ch’iddi contani, 1950 dosi duvariani ghjunghja issa sittimana in Cismonti, da attaccà a vaccinazioni.
A sittimana ch’entri, duvariani ghjunghja i dosi pà u Pumonti.

Ma ci hè da dumandà si, à veru, à chì ni semu oghji di issu ritardu presuda a francia in a stratigia vaccinali.

In quantu à l’ublicu lli virifichi par ghjunghja in Corsica, sò parichji i midicanti à chera ch’iddu durghi sinu à i vacanzi di frivaghju.

Ma di quissa, par avali, in prifittura, ùn si ni parla : puri ricunniscindu l’efficacità d’issa misura longu à i vacanzi, si dici chì oghji, passaghjeri è pupulazioni in muvimentu, ci n’hè menu.

Issi virifichi, d’altrondi, avariani pirmissu di scedda è metta à u scartu un viaghjadori ghjuntu da Londra cù a varienti lucali llu Covid.
Steti à senta à François Chazot, u dirittori di cabinettu llu prifettu.