Urgences de l'hôpital de Bastia : la grève continue pour l'emploi et pour des améliorations rapides
(A ridazzioni d'Alta Frequenza) - Dipoi u 24 di luddu, l’urgenzi llu spidali di Bastia sò in greva, è issa greva pudaria durà. Sò più di 200 i sirvizia à essa impignati cusì in francia.
I sindicata dumandani ch’iddi sichini ingagiati parsunala, masimu aiuti di cura.
Dumandani dinò ch’iddi sichini dati mezi à u spidali di Bastia, ch’iddi poschini ghjunghja medichi attaccati in pirmanenza à l’urgenzi. Di fatti, s’affaccani à spissu medichi di rimmpiazzamentu, è l’affari tandu costa più caru è ùn hè cusì assicuratu.
In quantu à i niguziati cù l’ARS à u sughjettu lla stesa pruvisoria llu sirviziu di l’urgenzi, l’affari ùn sò cusì chjari par ciò chì tocca à u finanziamentu di 1,5 miliona d’auri.
À leghja u currieri di l’ARS, i parsunala temini chì issi solda sichini cacciati da u bugettu llu rinovu di l’urgenzi privistu da quì à cinqui o sei anni. Temini ancu chì iss’invistimentu porti praghjudiziu à altri prughjetta, o ch’iddu costi una perdita di letta.
Stemu à senta à Josette Risterucci, à nomu di l’intersindicali CGT-FO-STC
