Une unité de dessalement prochainement mise en place pour éviter une pénurie d'eau dans le Cap Corse
(A redazzioni d'Alta Frequenza) - C'hè stata ssu luni in Macignaghju una riunioni cù i merri di i cumuni d'Ersa, Meria, Ruglianu è Tuminu, i sirvizi di u Statu è parechji raprisintanti pulitichi, una riunioni purtata da Saveriu Luciani, u presidenti di l'Uffiziu Idrolicu di a Corsica. L'inchietudini sò putenti par via di u nivellu troppu bassu di a riserva d'acqua di u Stullone, chì cunteni solu 8 000 metri cubi d'acqua nant'à una capacità di 40 000 metri cubi, ciò chì faci tema una mancanza da quì à pocu, soprattuttu cù a perspettiva d'una statina carca. Parechji suluzioni sò stati amintati, ma hè quilla di a missa in ballu di un'unità pà caccià u sali di l'acqua di u mari chì hè stata presa pà pudè risponda in parti à i bisogni di i quattru cumuni.
Steti à senta à Saveriu Luciani.
Sur le même sujet
