Une randonneuse portée disparue depuis jeudi soir dans le secteur d'Ascu
(A redazzioni d'Alta Frequenza) - Una donna di una sissantina d'anni chì facia una spassighjata in muntagna hè sparita dipoi ghjovi à sera. Issa turista d'urighjini cuntinintali, avaria lasciatu u gruppu cù u quali ella facia issa spassighjata, da u cantu di u Cintu, vicinu à a strada d'Ascu. Chjamati da u restu di u gruppu ghjovi à sera, i servizii di succorsi ani mubilizatu parechji mezi da ritruvà la, cù frà altru u gruppu muntagna di spinghjifochi, chì hà visticatu i lochi cuncirnati cù l'elicotteru Dragon 2B. A gendarmeria di Corti cù l'aiutu di a brigada di Calvi sò oramai incaricati di i ricerchi, è una prucedura pà sparizioni inchietanti hè stata lanciata.
Sur le même sujet
