Une convention pour lutter contre le travail illégal dans les entreprises du paysage en Corse
(A redazzioni d'Alta Frequenza) - Luttà contr'à u travaghju micca legali inde l'intrapresi di u paisaghju in Corsica : eccu u scopu di a cunvenzioni regiunali di partinariatu signata calchì ghjornu fà in Aiacciu trà a Direccte, l'Unioni di l'Intrapresi di u Paisaghju è a Mutualità Suciali Agricula. L'intrapresi di u paisaghju, chì aduniscini l'attività di criazioni è d'intrattenu di i ghjardini, di i spazi verdi è di i tarreni di sport ma dinò l'attività pà putà, smachjà, di geniu vegetali è di geniu eculogicu raprisentani nant'à l'isula à pocu pressu 280 intrapresi è 600 attivi. Un settori cù un sciffru d'affari di 35 millioni d'auri à l'annu. Ma, u travaghju micca legali metti assai in periculu dipoi un certu tempu oramai l'equilibrii ecunomichi è suciali di ssu settori, cù cunsiquenzi dinò à u nivellu di a maghjina di pettu à u publicu di l'intrapresi chì rispettani pà contu soiu i reguli.
U ditagliu di u cuntinutu di ssa cunvenzioni cù a direttrici regiunali aghjunta di a Direccte, Eliane Bernardini.
Sur le même sujet
