Un jeune homme trouve la mort sur un terrain de football balanin
(A redazzioni d'Alta Frequenza) - Hè un dramu chì hè accadutu issu dopu meziornu (dumenica) nant'à un tarrenu di ballò, in l'Isula, in Balagna. Mentri chì una partita di ballò si ghjucava trà a squadra di l'Isula, è quilla di u Ponte à a Leccia, in PHA, un ghjucadori di 35 anni, hè cascatu dopu à una mancanza. À lestra sopralocu, i succorsi ani presu in carica u ghjuvanottu è l'ani traspurtatu à l'uspidali di Calvi. Par disgrazia, a vittima ùn hà micca pussutu essa rianimata. U ghjuvanottu era babbu di dui fighjoli. Radiu Alta Frequenza prisenta i so cunduleenzi sinceri à a so famighja.
Sur le même sujet
