Le Direct

Hè picciata in tuttu una casa in Livia

(A ridazzioni d'Alta Frequenza) - Hè picciata in tuttu una casa in Livia. U focu, ch’ùn si sà a so urigina, hà toccu i dui piani d’issa casa, in cor’di paesu.

I ciandarmi di Santa Lucia di Tallà sò ghjunti supr’à locu, è parichji spinghjifoca si sò impignati da parà i fiari.

A cellula d’invistigazioni criminali d’Aiacciu hè stata mandata supr’à locu, da circà à cunnoscia i causi d’issu focu.