Un homme décède lors d'un naufrage dans le golfe du Valincu
(A redazzioni d'Alta Frequenza) - Un omu d’una sissantina d’anni hè mortu ssu luni in fin di ghjurnata dopu à un naufraghju in u golfu di u Valincu. A SNSM di Prupià hè intarvinuta, sottu a cuurdinazioni di u Cross Corsica, pà un battellu rinversciatu cù una parsona in mari ind’i marosuli in Cupabia. Hè una siconda parsona, chì hè riisciuta à parta da u battellu, chì hà raghjuntu a tarra à u notu pà chjamà i succorsi, dopu avè dighjà circatu u so amicu in mari. A vittima hè stata ritrova infini inanimata, trà i scogli. L’elicotteru di a gendarmeria medicalizatu da u Samu 2A cù dui ciuttadori di i pumpieri hè intarvinutu in aiutu. L’omu di una sissantina d’anni hè mortu appena dopu essa statu adimessu à l’uspidali d’Aiacciu.
Sur le même sujet
