Un homme blessé par balles en Haute-Corse
(A redazzioni d'Alta Frequenza) - Un omu hè statu feritu da balli arisera (marti) nant'à a cumuna di Pedigrisgiu (Corsica Suprana). A vittima, Mehdi Schmitt, 24 anni, viaghjava cù a so vittura quandu ellu hè statu toccu da unu o parechji tiradori, versu 9 ori. Appena toccu à a spalla da dui tiri di chevrotine è in faccia da pezzi di vetru, iss'ultimu hè statu presu in carica da i spinghjifochi di u Ponte à a Leccia, una volta l'alerta data, pà essa traspurtatu in ambulanza nant'à l'uspidali di Bastia Falcunaghja. U ghjuvanottu saria scunnisciutu da i servizii di pulizza. L'inchiesta hè stata cunfidata à a sizzioni di ricerchi di a gendarmeria di Corti.
Sur le même sujet
