Un corbeau crée l'émoi en visant des enseignants du collège de Lisula : deux enquêtes ont été ouvertes pour l'identifier
Eccu un affari curiosu chì veni à disturbà, in fin’ d’annata, u culleghju Pasquali Paoli di Lisula.
Un righjistru anonimu chì faci valutazioni numinativa d’ugni prufissori hè statu mandatu à tutti i insignanti llu stabilimentu.
In issu raportu, sò pochi quenti à veru i cumenti : « pinseri prufundi pa tena una classa », « carattaracciu », « cuntrattuali incumpintenti », « ùn capisci i custretti llu funziunamentu d’un culleghju, una vera rumpi cuglioni ». Certi altri cumenti, inveci, sò ludativi.
I parolli viulenti ani cumossu à veru uni pochi di prufissori, è li ci hè vulsutu un sustegnu psiculogicu, hà senta ni à Jean-Philippe Agresti, u rittori d’accademia, ghjuntu supr’à locu à tranquillizà è sustena i insignanti.
Da circà à idintificà l’autori d’issu beddu raportu, dui inchiesti sò stati aparti : una amministrativa è una ghjudiziaria.
Sur le même sujet
