Un contrat d'objectif territorial unit dans un même objectif environnemental la CAB et Marana-Golo
L’ambienti, un prughjettu par lià l’energii : eccu u cori llu cuntrattu d’ughjittivu tarrituriali signatu da a Cumunità d’Agglumirazioni bastiaccia è a cumunità di i cumuni di Marana è Golu. Si tratta chivi di u quintu d’issi cuntratti à essa statu missu in anda in Corsica.
Tocca a fin’di sittembri, u cuntrattu si hà da avvià in dui parti : a prima hà da durà 18 mesa, è ghjuvarà a difinì u diagnosticu, a cundutta di u prughjettu è u pianu d’azzioni. Dopu, longu à dui anni è mezu, sarani missa in anda azzioni pricisi.
L’animazioni di a prima tappa a farà a CAB. Ma pà a siconda, ugni cumunità farà da par idda.
Passati issi quattru anni, ci hè l’ughjittivu d’uttena u marcu aurupeanu Climat Air Energie. U cartulari u più impurtanti da ghjunghja ci saria quiddu lla mubilità.
Comu s’ani da metta in anda, di manera cuncreta, tutti iss’azzioni ?
Steti à senta à Antoine Filippi, à nomu di a cumunità di i cumuni di Marana è Golu.
Via l’ADEME, u statu hè impignatu in issa dimarchja. À idda li tuccarà à accumpagnà tecnicamenti u prughjettu, dendu validazioni di l’azzioni pruposti, ch’idda hà da finanzà cù 350 000€ sparti in quattru anni.
Jean-Marc Ambrosiani, u dirittori di l’ADEME, spieca u intaressu di a dimarchja.
Sur le même sujet
