Un budget primitif de 125 millions d'euros pour la Ville d'Ajaccio
(A redazzioni d'Alta Frequenza) - A cità d'Aiacciu vutava arimani (luni) u so bughjettu primitivu. Un raportu chì hà vistu u votu contru di i 5 eletti di l'uppusizioni. Inveci, u bughjettu annessu di l'ANRU hè statu aduttatu à l'unanimità. U bughjettu generali hè di 125 millioni d'auri, frà i quali 94 didicati à i spesi di funziunamentu è 31 à quilli d'investimentu. Ssu BP si caratterizeghja, sicondu a maghjurità, da una calata nova di i mezi di u Statu, una fiscalità chì ùn movi micca è una stabilisazioni prugressiva di i spesi di parsunali. Spesi di parsunali chì ani fattu nascia u disaccordu di l'uppusizioni. Pà a maghjurità, inveci, certi settori sò stati cunfruntati à una "cullata in putenza" di ssi spesi. L'ora saria oghji à a nurmalisazioni. Cuncirnendu l'investimentu, tocca sicondu a direzzioni municipali tutti i settori di a cità.
Steti à senta à Laurent Marcangeli, u diputatu è merri di a Cità d'Aiacciu.
