Ultime réunion de médiation concernant la SNCM à Marseille
(A redazzioni d'Alta Frequenza) - Un'ultima riunioni trà i sindicati è l'azziunari di a SNCM inghjiru à u mediatori numinatu da u guvernu hè stata urganizata in prifittura di i Bouches du Rhône in Marseghja ssu marti. È d'appressu à i sindicati, l'azziunariu principali di a cumpagnia, Transdev, ricusaria di finanzià un tempu d'usservazioni chì pudaria durà fin'è sei mesi ind'u quadru di un addirizzamentu ghjudiziariu pussibuli di a SNCM, chì hè in bancarotta dipoi u 4 di nuvembri ramintemula. Ramintemi dinò chì u tribunali di cummerciu di Marseghja devi renda a so dicisioni u 25 di nuvembri pà ciò chì tocca u sbilanciu pussibuli di a cumpagnia, mentri chì un ghjudici inchiestadori hè statu numinatu calchì ghjornu fà da ss'istanza ghjudiziaria.
Sur le même sujet
