U Palatinu remporte déjà une belle adhésion
(A redazzioni d'Alta Frequenza) - U Palatinu, u "mini zénith" di a Cità d'Aiacciu, hè statu inauguratu com'è a sapeti bè calchì ghjornu fà. Di una superficia tutali di 4336m2,cù a mezu à quissi quì 2650 m2 solu pà a sala, ssu bellu edifiziu pò accoglia più di 1800 parsoni in cunfigurazioni spurtiva, è guasgi 3000 in cunfigurazioni spettaculu. Ss'arnesi hè un affari novu in Corsica, didicatu à u sport, à a cultura, ma dinò à qualsiasi riunioni, com'è cullocchii. Un Palatinu chì hè custatu guasgi 12 millioni d'auri, finanziatu à più di 75% da u Statu è a CTC, a cità participendu à u nivellu di 3 millioni d'auri. Assicurà a maghjina pusitiva è u spannamentu di a capitail righjunali era unu di i scopi ammintati à l'uccasioni di a prisintazioni di u prughjettu; una scumessa forti ma chì cumencia dighjà à dà i so frutti, com'è a mostra u mondu chì ci hè dighjà statu pà i manifestazioni passati, o ancu a prugrammazioni culturali chì veni chì s'arricchisci à più pudè. Calcosa chì rallegra è chì cunveni assai à Ange Pantaloni, aghjuntu à u merri d'Aiacciu incaricatu di i sports è presidenti di U Palatinu.
Steti à senta à Ange Pantaloni.
Sur le même sujet
